..{ بطنكـ تحت المجهر ..{

[أهوان]

السلام عليكم ورحمة الله وبركاته


الله حيني
شخباركم أول مره أنزل موضوع في هالقسم
طبعاً بنك أهوان نك زهروه نزلت بس ماكنتوا تحبوني ياحلوين
لكن الحين غصب عن أم أبوكم تحبوني

المهم ماعلينا
في الحقيقه والواقع كنتُ أتجول في أحدى المنتديات <<‎نصابه في إحدى المنتديات اللي مسجله فيها

الموهم وليس المهم
لفت إنتباهي موضوع الا وهو موضوع بطنك تحت المجهر<<‎تقول تخيلوا بس إن بطونكم تحت المجاهر
عزالله صار للمجاهر دمار شامل من كثر الأكل اللي تأكلونه


ماعلينا هالموضوع عباره عن أسئله حلوه مثلي فديتني<<‎قلوب قلوب

نختار عضو أو عضوه ويجون يسدحون أجوبتهم في هالموضوع خلني بس
أشوف أحد سادح رده في موضوع لحاله ترى برجع زهرة البنفسج<<‎أبو التهديد

وبما إني أنا الحلوه فديتني من زمان عن النذاله

أخترت الأخت اللي صارت حرمه
وصارت تعرف المطبخ


وهي



فكروا مين






خلاص بقول أعرف إنكم مشغولين في الإختبارات


عموماً تعالي ياتايههن
ردي على الإسئله يابعدي
وبعدها إختاري عضو أو عضوه بعدك

وهذي الإسئله..!



يلا نبدآ على بركة اللهـ : : :



(1) كم وجبه تآكل \ين بـ اليوم !؟؟


(2) وش وجبتك المفضله [آللي مآ تقدر \ين تستغن \ين عنهآ ]؟؟


(3) أنت\ي من النـآس آللي يتغلقون إذا جآعوا ؟؟


(4) أول مآ تدخل\ين السوبر مآركت أي قسـم تشوف\ين بطنك يوديك له بدون شعور !؟؟


(5) هل صحيح مقولة [ الطريق إلى قلب الرجل معدته ] !


(6) مآ رأيك في قول [ إذآ بغيت الحرمه ترضى عليك ودهآ لـ المطعم ] !؟؟


(7) إذآ دخلت\ي البيت و أنت\ي جوعآن\ه مره ومآ لقيت/ي الأكل جآهز وش ردة فعلك ؟؟


(8) وش الأفضل عندك أكل البيت أو أكل المطعم ؟!؟


(9) تحب\ين تآكل\ين لـ حآلك أو تآكل\ين مع جمآعه مع ذكر السبب ؟؟


(10) إذآ كنت\ي من النآس آللي يحبون الكبسه أي نوع من الكبسه تحب\ين ؟!


(11) لو كنت\ي بعزيمهـ / تحب\ين تكون العزيمه مفطح ولآ بوفيه ؟؟


(12) أنت\ي من النآس آللي تحب تآكل بين الوجبآت ؟! إذآ كآنت إجآبتك نعم وش تحب\ين تآكل\ين ::

[ شوكلآتآت وَ لآ شيبسآت وَ لآ فوآكه <<‎و ركزوآ على فوآكه بالله


(13) إذآ كآنت شهيتك مسدوده عن الأكل من تختآر\ين من الأعضآء يآكل معك عشآن تنفتح شهيتك ؟؟


(14) وش الطبخه آللي تظبطهآ و ودك تعزمنآ عليهآ \تظبطينهآ وودك تعزمينآ عليهآ ؟؟




كل الحب
أهوان الحلوه

[dr_memah]

يالله ياتيوهه ننتظرك

وننتظر ابداعات يور كرشه
ههه

أهوان موضوع ممتع كالعاده

وه بس وه
فديتك الحين بس صار للجمعيه طعم
ولا يهونون الباقين

[مـلاذ الطيــر]

وعليكم السلام ورحمه الله وبركاته ..
موضوع رائع أخت أهوان

اقتباس بطنك تحت المجهر<<‎تقول تخيلوا بس إن بطونكم تحت المجاهر عزالله صار للمجاهر دمار شامل من كثر الأكل اللي تأكلونه

باانتظار الأخت تايهه..

[تايههــN]

والله تخوفين ياأهوان انت ويا هالأسئله الي تقولين داخله اختبار

بس شكلي اعجبتك بعد الحلى وتفكرين صدق تخطبيني لجدك

يالبيه ياجد أهوان

< تحب الشيبان موب قايله لا


المهم هذي أجوبتي وعساها تعجب جدك ههههههه

(1) كم وجبه تآكل \ين بـ اليوم !؟؟

بصراحه قولي لجدتس تراني ماأكل كثير صح أني أكل ست وجبات في اليوم

بس مو وجبات وجبات لا تسالي

الصدق عاد أني والله تمر علي أوقات مالي خلق آكل .!

فغالبا وجبتين أساسيه فطور وعشاء..


(2) وش وجبتك المفضله [آللي مآ تقدر \ين تستغن \ين عنهآ ]؟؟

قولي لجدتس أحب اللي تحبه

بس فيه شي أحبه من برى البيت وفيه جريش أمي لايقاوم

وأحب المكرونه بجميع أشكالها وأحب البيتزا


(3) أنت\ي من النـآس آللي يتغلقون إذا جآعوا ؟؟

والله أكتشفت إن حالتي عجيبه اذا جعت

وهالشي أكتشفته لما طلبنا مره من مطعم الله لايعيده وكان مالنا خلق ابدا نقوم نصلح شي ناكله
وكان الوقت متأخر يعني تقريبا 12 بالليل المهم ان المتخلف الي أخذ طلبنا قالنا خمس واربعين دقيزه
ويكون الطلب عندكم ونضبط ساعاتنا ونتحرى العشا

مرت ساعه صارت الساعه وحده اتصلنا قال في الطريق بس مسافة الطريق مرت ساعتين وصارت
الساعه ثنتين ونتصل ماعاد احد رد المهم انا كانت ماسكه معي ضحك والي معي معصبين
ويسبون فيه يعني في هالساعتين لو قال لنا الحقير انه مو جاي كان امدانا نصلح شي ناكله المهم الخلاصه اني ماتوترت ولاتغلقت بالعكس كنت اضحك



(4) أول مآ تدخل\ين السوبر مآركت أي قسـم تشوف\ين بطنك يوديك له بدون شعور !؟؟

بصراحه الشوكولاته والشيبسات

وقولي لجدتس ترى مافيه عروس كامله هههههههه


(5) هل صحيح مقولة [ الطريق إلى قلب الرجل معدته ] !

والله ياختي تخيلي معي إن شخص يهتم فيك ويوكلك ويشوف اذا جعتي وش ودك تاكلين
بيدخل قلبتس ولالا ؟ أكيد بيدخل اذن الرجل أعتقد انه مو من كوكب آخر


(6) مآ رأيك في قول [ إذآ بغيت الحرمه ترضى عليك ودهآ لـ المطعم ] !؟؟

لمطعم لحوش أهم شي طلعوها تغير جو


(7) إذآ دخلت\ي البيت و أنت\ي جوعآن\ه مره ومآ لقيت/ي الأكل جآهز وش ردة فعلك ؟؟

أستفسر ليش مافيه أكل بعدين أتخذ الأجراء اللازم < لاتخوفين خخخ


(8) وش الأفضل عندك أكل البيت أو أكل المطعم ؟!؟

طبعا البيت بس مو أنا الي اطبخ

(9) تحب\ين تآكل\ين لـ حآلك أو تآكل\ين مع جمآعه مع ذكر السبب ؟؟

والله شوفي وأنا جايه من الدوام ماحب اجلس مع أهلي ع الأكل إلا إذا كنت رايقه

ولاباقي الوجبات لاطبعا معهم عشان السوالف ولمة الأهل وزي كذا


(10) إذآ كنت\ي من النآس آللي يحبون الكبسه أي نوع من الكبسه تحب\ين ؟!

قولي لجدتس الكبسه في قلوبنا لاتخاف

والكبسه بجميع اشكالها حلوة الله يديم النعمه


(11) لو كنت\ي بعزيمهـ / تحب\ين تكون العزيمه مفطح ولآ بوفيه ؟؟

لابوفيه وبرضوه قولي لجدتس ترى مافيه عروس كامله


(12) أنت\ي من النآس آللي تحب تآكل بين الوجبآت ؟! إذآ كآنت إجآبتك نعم وش تحب\ين تآكل\ين ::

[ شوكلآتآت وَ لآ شيبسآت وَ لآ فوآكه <<‎و ركزوآ على فوآكه بالله

طبعا أحب آكل بين الوجبات وجبات ثانيه خخخخ < ناويه تطير العريس هههههه


(13) إذآ كآنت شهيتك مسدوده عن الأكل من تختآر\ين من الأعضآء يآكل معك عشآن تنفتح شهيتك ؟؟

الله

أكيد بختاركم كلكم


(14) وش الطبخه آللي تظبطهآ و ودك تعزمنآ عليهآ \تظبطينهآ وودك تعزمينآ عليهآ ؟؟

بصراحه مدري وش اعزمكم عليه بس الأكيد بصلح لكم سلطه < لاتكلفتي

أهوان عزيزتي استمتعت بهذه الاسئله يعطيك العافيه

وراح ارشح ورد جوري

وربي يحفظكم